تعليقاتاليوم أحب أناقش موضوع حسّاس جداً والكل يشتكي منه في الآونة الأخيرة، ألا وهو عودة الرادارات المتحركة إلينا بحلّتها الجديدة، لو تلاحظون في آخر سنتين تلاشت هالرادارات وماكانت موجوده، ولكن للأسف ردوا يحطونها وينشرونها في كل امارات الدولة وبشكل مكثّف ماشفناه من قبل. تتناقل الأخبار بين الشباب وتوصلنا تحذيرات سواء بالمسجات او اتصالات هاتفيه او عن طريق البلاك بيري مسنجر، عن وجود سيارة سوبارو في شارع مصفّح أو كامري في شارع المطار فيهن رادارات متحركة.
الصراحة شوارعنا ازدحمت وغصت بشتى أنواع وأشكال وأحجام من الرادارات!
وطبعاً أشكالهن تختلف، رادارات العاصمة تختلف عن رادارات دبي سواء في الشكل او المواصفات، وأيضاً تختلف عن اللي في الشارجة والامارات الاخرى، منها اللي على شكل صندوق والثاني مستطيل وهناك المتحرك اللي يصور الاتجاهين مرة في هذا الشارع ومرة في الشارع المقابل! ولاننسى الرادارات المتحركة والمخبئة بين الشجيرات او تحت الجسور او خلف الحواجز الاسمنتية !!
ونظراً لكثرة هذه المصائد، تفنّن المتفننون في تجنّبها وإيجاد حلول مختلفة للنيل منها. اكيد سمعتوا عن جهاز كاشف الرادار، وهو الجهاز اللي تركبه عندك في السيارة وينبّهك بوجود رادار قبل الوصول له بمسافة محددّة وأظني 100 متر. وطبعاً في أنواع من هالجهاز وكل جهاز له مواصفاته، ويوجد حل آخر اللي هو البخاخ، ايرشونه الشباب على رقم السيارة بحيث يوم يصوّرهم الرادار، تنعكس الصورة لنه هالبخاخ هو عباره عن مادة تعكس ضوء الفلاش وياتصيب ياتخيب! بس ترا كل هالأجهزة والبخاخات ممنوعة عندنا.
في النهاية، أنا أشوف انه لازم كل واحد يخصّص من معاشه الشهري عالأقل 800 درهم شهرياً لهالرادارات.. وحنا لـــنا الله T_T
!
الله يعين واللي يعرف بمتحرك جديد واجب عليه يخبر الربع والله يبارك في البلاك بيري مسنجر…أنا يوم أشوف كمين رادار متحرك أوصل المعلومة للقوم وهم بصرهم..
اممم طيب هالمناااقشه الطويله العريضه
مافكرتوا ليه هم حاطينها
لان كثرت الحوادث سواء عندنا ولا عندكم
وكل يوم نسمع عن فلان سوا حادث ومات
وفلانه ماتت هي وعيالها الصغار بسبة واحد مسرع
معليش بس مادري شلون تفكرون وانتم تسرعون
اقلها فكروا بامهاتكم ولا ابوانكم لو صارلكم شي
لو لاسمح الله واحد مات وهو مريض يكونون متفهمين والروعه تقل
لكن الولد طالع من عندها مافيه شي ويروح حتى ماقال مع السلامه لانه شوي ويرجع ولا حتى حبته
فوووجهت نظررري انه احسن ليتهم يحطونها بين كل رادار والثاني واحد ثالث خخخخ
لين ماتفلسون وتخلص رواتبكم
بعدين تعقلون وتمشون زي الناس
< باين وحده حااااقده