تعليقاتالسلام عليكم ورحمة الله وبركاته
بلاك بيري وبلاك بيري، ماظني ان في حد هاليومين مايدري عن البلاك بيري او ماسمع عنه!
انفلونزا البلاك بيري اللي انتشرت بشكل كبير من بداية هذي السنه وتقريبا من شهر فبراير، ابا اعرف ليش توهم الناس دروا عنها مع ان اتصالات توفرها من سنتين او اكثر تقريباً. ولا لأنها صارت موضة البلاك بيري والكفرات والألوان والحركات فخذوه الناس كلهم ( حشرن مع الناس عيد ) D:
انا الصراحه أكثر شي شجّعني اشترك في هالخدمة أنا وغيري من ربعي، العرض التشجيعي من اتصالات واللي هو اشتراك مجاني للخدمه أول 3 شهور وكان العرض لفترة محدودة (A) .
المهم، الجهاز أكثر من رائع وفكرته حلوه وعالم البلاك بيري عالم كبير وواسع بس تراه سلاح ذو حدين..
واللي لفت انتباهي انه شفت كثير من الأطفال واللي اعمارهم ما تتجاوز 12 سنة تقريبا عندهم بلاك بيري. واظني ما يستخدمون شي غير البلاك بيري مسنجر واللي هو الغرض الأساسي من شرائهم لهالجهاز… ( نكت بايخه وإشاعات وكلام فاضي )
الواحد يفكر قبل مايطرّش ويسوي برودكاست، والصراحه في ناس جزاهم الله خير يطرشون أدعية وأحاديث وأمثال وحكم وأشياء غيرها يستفيدون منها الناس ولاباس بالنكت الحلوة وخفيفة الدم اللي مافيها طفاسة او استهزاء بالمشايخ والمطاوعه :@ >_<
الحين أبا أعرف شو رايكم.. شو تفضّلون الآي فون أو البلاك بيري ؟
واذا عندكم بلاك بيري، بولد ولا كيرف ولا ستورم؟
يلا اتريا تعليقاتكم ومشاركاتكم D:
وهذا البن كود مالي: 21E01558
اللي يبا يتواصل عالبلاك بيري مسنجر وتوصله آخر الأرقام وغيرها
بي سمارت, وخذلك بلاك بيري سمارت فون ^_*
ربي يحفظكم 
!
Mashallah e9ara7ah Wonderful website & very nice topic to discuss
However unfortunately, I don’t have Blackberry cuz am so busy with my daily life .. what if I had Blackbery!
Bettawfeeg o5ooy
I didn’t want to buy this phone because it’s widely spread and even el-btAaani 3endah..
But I received the Bold on my birthday, I got used to it and all BUT still I see that Kids under 18 are not allowed to have it. THERE IS NO PROOOOXY.. that is one of the biggest disadvantages for the phone as it can spoil the youngsters minds. It didn’t complete 2 months and there it goes.. SOLD.. Didnt like it that much ya3ni malah Da3i.. Internet is much better when ur comfy in your room using your laptop. This is a very good site brother and Hope you successs..
مبروك عليكم الموقــع
وتستاهلون .. بالتوفيق
ummmmmm شوف مثل ما قلت صار انفلونزا!!
للأسف بناتنا ياخذونه للخقه والسوالف الي مالها داعي؟؟!
انا بالنسبه لي شخصيا…not in 2 it
ف انا ضد هالظاهره وطبعا ضد هالاهل الي يعطون الي بعمر 13 و12 البلاك بيري!!
ماله داعي؟؟
يعني رائي
it’s just 4 the “Business men”cuz I feel it’s no use of it 4 the girl in age 18 or what ever??!
what she need it?? textin’ 4 the world:P
but my friends
5 بولد ووحده كيرف
thanx & sorry
لانه كلامي منقعP:
الصراحة انا عندي سؤال عن البلاك بيري، شو استخداماتة وبشو يمتاز عن التلفونات العادية وليش نحتاجه وهل كل الناس يحتاجونه ولا بس اصحاب البزنس والل يستعملون الايميلات وايد؟
كتلفون مب احسن من الآي فون كمواصفات مثل وضوح الشاشةوالشاشة الكبيرة والذاكرة والبرامج والالعاب اللي تقدر تنزلها عليه.
لكن كخدمة هل يستاهل انه الواحد يدفع هالمبلغ شهريا للخدمة اللي في البلاك بري وممكن يستعملها وممكن لا يعني ما بيستخدمها هاك الاستخدام سواء كانت الخدمة من “اتصالات” او “دو”.
حاول تقنعني ياالاخ حسين باستخدام البلاك بيري بما انك من مستخدميه وخبير فيه وبميزاته!!
واتمنا لك التوفيق…..
الصراحه اشوف انه كلام فاضي
و مصاريف زياده
يعني بدفع اشتراك حق النت في البلاك بيري و بدفع اشتراك حق الانترنت في البيت على شو كل هالخساير و اصلا الامارات تقريبا كلها فيها الهوت سبوت يعني من اي تلفون فيه وايرلس يقدر يحدر النت و هالخدمه موجوده حاليا في كل تلفونات النوكيا و غير جي كل البيوت فيها راوتر وايرلس يعني بدخل من تلفوني و بدفع حق اشتراك الانترنت المنزلي بس
ما في داعي للمصاريف الزايده لأنه ما يوفر اي خدمه ثانيه غير الانترنت و بعد بندفع عليه!
اشكرك على طرح موضوع انفلونزا البلاك بيري وانا وحده عندي بلاك بيري الكيرف اول شي ما كنت مقتنعه بسالفة البلاك بيري لكن في مجال عملي وفي البيت عندهم هالتلفون والكل مشغول فيه سرت خذت لي واحد من باب الفضول بس واشتركت في خدمة النت والصراحه انا ما اكون فاضيه لاستخدامه في الدوام بس ممكن نفعني في اوقات مثلا يوم عندي موعد في اي مكان وانا انتظر انشغل في السوالف مع ربيعاتي ع مسن البلاك بيري او المسن العادي والايميلات .. الاشياء السلبيه للي فيه انه يشغل الواحد عن لا شي خخخخ واتييب اشاعات فضيعه وغريبه ع المسن بلاك بيري بس لوحتى محد عندك بس تيلس وتتعبث به نفس المرض والصراحه وبعض خدماته مب شي مثل البلوتوث وحفظ الارقام في التلفون مب مثل النوكيا وباقي التلفونات سهله الاستخدام ومشكور ع طرح الموضوع المميز
Woow Loved The Pic <3
Flu The Blackberry Flu LoooL =P
Yess I'm The Main Sick
The Orange Cover Kash5aa <3
BTW I Just Wanted To Ask Du Users
the Internet & the BBM E3lg Or Bas Fii Et9lat ?!
والله عن نفسي الحمدلله بعدنيه على النوكيا ولاغيرته.. اللي أعتبره من تراثنا وعادات شيابنا..
ف شراات مايقوول الوسمي
“..ماغير العادات مادامني حيّ..يالين تجري في الفيافي سفنها..”
وبخصوص موضوع البلاك بيري ..أنا أجووف ان هالتلفوون استوى مصخرة قبل لايكون عملي …
حشرونا والله النت أوكي وأوكي … جن العالم حياتهم ماستخدموا انترنت سريع سواء في البيت أو في الدوام …!!!
والقــــهـــر
لو تسأل الأغلبية شو من موااقع ادشها ..؟؟
بيقوول محرووم ولعبة gamezer و مادري شو من منتديات ..الخ ..
والموضوع كله “..حشرة مع الناس عيد..”
يعني مثلا
البعض مثلا ياخذ التلفوون للكشخة … خاصة فئة اللي يحب يتصنع انه شيووخي في ستايله…
تلقااه بالغترة والعقاال مايل ع صوب .. ونعال أبيض تقول جنه حادر ميلس شيووخ … وميود بلاك بيري كفره أحمر أو أصفر …
آآآآآخخ .. فقدتهم والله..
بصراحة..
أبا أعرف والله من هالشيخ اللي يستخدم بلاك بيري..؟؟
التلفوون أولا وأخيرا …
للمكالماات ثم المسجاات ….هب ماسنجر أو نت …
يعني بالمختصر نحن في عصر الأصواات هب في عصر الكتاابة اللي دبّر وولى ..
وأخيرا
ف اعتقاادي الشخصي انه مع بدااية السنة اليديدة رااح يقل استخدااامه لانه مثل مايقولون موووضه وتعدي ان شاء الله…
وها هوو راايي …
hello all
I figured it would be a good idea to introduce myself to everyone!
Can’t wait to get to know you all better!
-Marshall
Thanks again!